Adega Priorato de Razamonde

Priorato de Razamonde pertence á
Denominación de Orixe Ribeiro, a máis antiga de Galicia e unha das de maior
tradución histórica da Península Ibérica.

Pola súa situación provilexiada, O
Ribeiro vese favorecido por barreiras naturais que o protexen de borrascas
subatlánticas e que proporcionan un clima oceánico continental, con
temperaturas temperás, idóneas para o cultivo da vid. Estas condicións permiten
unha maduración lenta da uva, conservando aroma, frescura, equilibrio e acidez.

A nosa bodega, situada no pleno
corazón de O Ribeiro, nace do esforzo e a dedicación dunha familia que, a
través dos anos, atopou no viño a mellor forma de transmitir o sabor das súas
terras. O que empezou con apenas unha hectárea de terreo pasou a converterse
nunha bodega renovada cun patrimonio rústico de máis de 24 hectáreas, das cales
20 están cubertas por un viñedo e as restantes de bosques autóctonos, rutas de
sendeirismo e espazos que acollen eventos e celebracións.

Desde a nosa saída ao mercado en 2012,
traballamos na procura da excelencia. Preocupámonos por obter a mellor calidade
para ofrecer un viño distinto, que deixe marca en quen o bebe. O noso obxectivo
é o de recuperar o sabor e a esencia de O Ribeiro, seleccionando só as
variedades autóctonas e elaborando viño unicamente con uvas dos nosos viñedos,
uvas que pasaron polas nosas mans e coidados. Só así, apostando por unha
produción integrada, podemos garantir un Ribeiro de calidade.