Medidas Covid-19 nas Rutas do Viño de Galicia Covid
As rutas do viño galegas desenvolven a súa actividade turística seguindo os máis estritos protocolos de seguridade para facer do enoturismo un turismo seguro.
Enoturismo en Galicia é unha iniciativa que reúne as cinco Rutas do Viño de Galicia (Monterrei, Rias Baixas, Ribeira Sacra, Ribeiro e Valdeorras), co obxectivo de promocionar estas rutas como destino turístico e promover a súa visita levando a cabo un turismo seguro e responsable.
Estamos desexando que vivas o enoturismo en Galicia. Visitar as nosas rutas do viño é unha opción moi boa para a túa próxima escapada: entornos de viñedos, pequenos pobos, actividades ao aire libre, núcleos rurais con baixa densidade de poboación, aloxamentos e empresas de actividades que ofrecen experiencias á carta.
Se estás pensando en facer algunha escapada, enoturismo en Galicia pode ser a túa mellor elección.
Neste post contámosche como seguimos adiante coa nosa actividade turística e por tanto todos os recursos, espazos turísticos e establecementos que forman parte das nosas cinco rutas do viño teñen as súas portas abertas ao público, seguindo sempre estritos protocolos de seguridade.
Todos os nosos establecementos limitaron o tamaño dos grupos, acondicionando as súas instalacións e servizos, fomentando os espazos abertos e adoptando outras medidas organizativas para facer fronte á covid-19.
Polo tanto, se estás organizando unha visita a Galicia e a calquera das nosas rutas do viño, pedímoste que colabores para protexerte a ti mesmo e ao teu círculo máis cercano. Frear este virus é responsabilidade de todos. Para iso recomendámosche que sigas as recomendacións das autoridades sanitarias e respectes as normas específicas de cada un dos nosos establecementos. Queres saber como é o protocolo para visitarnos? Aquí contámosche todas as precaucións que debes levar a cabo para realizar enoturismo en Galicia e cumprir co protocolo covid-19.
Protocolos de seguridade nos nosos establecementos.
A Xunta de Galicia e o sector turístico traballan conxuntamente no programa “Galicia destino seguro”.
Os nosos establecementos traballaron durante os últimos meses na implantación dunha serie de manuais sectoriais que recompilan os requirimentos hixiénico-sanitarios obrigatorios establecidos polo Ministerio de Sanidade, as medidas de seguridade publicadas polo Ministerio de Industria, Comercio e Turismo e recomendacións adaptadas ás especificidades do noso territorio.
Dentro destas medidas, inclúense entre outros aspectos:
- A formación do persoal traballador
- Procedementos de limpeza e desinfección minuciosa
- Adaptación dos sistemas de autocontrol
- Mellora dos servizos e métodos organizativos para asegurar que se respetan as distancias de seguridade entre persoas
- Hábitos hixiénicos na prestación do servizo
- Control do aforo nos distintos espazos
- Aprovisionamento de material de protección
- Ventilación de espazos e revisión dos sistemas de climatización
- Medidas de protección persoal dos traballadores
- Xestión dos residuos
Recomendacións de seguridade
Dámosche algúns consellos non só para que poidas desenvolver a actividade en calquera das nosas rutas senón tamén para que poidas planificar a túa viaxe correctamente e evitar contratempos.
Toma nota de todas as medidas covid-19 que debes ter en conta á hora de realizar enoturismo.
Antes da viaxe:
- Non viaxes ni visites establecementos públicos se tes síntomas compatibles coa Covid-19.
- Lembra que é obrigatorio o uso de máscara.
- É recomendable que reserves as túas visitas a bodegas, mesas de restaurante e outros servizos turísticos con suficiente antelación, xa que o aforo quedou limitado nos distintos espazos.
Durante a viaxe:
- É obrigatorio o uso da máscara de seguridade nos espazos públicos
- Presta atención á sinalización e normativa establecida en cada establecemento.
- Segue as indicacións do persoal do establecemento.
- Respecta o aforo de cada espazo e agarda turno.
- Mantén a distancia de seguridade en todo momento (Min 1,5m)
- Saúda de palabra, ou cun xesto, sen contacto físico.
- Lava as mans con auga e xabón ou xel hidroalcohólico ao chegar e ao saír en cada establecemento.
- Circula só polas zonas permitidas.
- Recoméndase pagar os servizos con medios electrónicos.
E agora que coñecemos todo o procedemento temos moitas ganas de recibirte novamente para que desfrutes de auténticas experiencias de enoturismo. Estamos preparados!
