Ruta do Viño Rías Baixas

Atardeceres na praia, comidas que se alargan, paseos entre viñedos, rutas por paisaxes impresionantes… que máis lle podes pedir a unha viaxe? Ao longo da Ruta do Viño Rías Baixas gozarás dun percorrido con sendeiros a pé de mar, amplas extensións de viñedos, actividades marítimas, museos, catas de viños da Denominación de Orixe Rías Baixas, aloxamentos e restaurantes de primeiro nivel e un amplo patrimonio vitivinícola.

Esta ruta inclúe cinco subzonas- O Rosal, Condado do Tea, Soutomaior, Val do Salnés e Ribeira do Ulla- a túa disposición para crear o teu propio itinerario. Cada unha destas zonas presenta particularidades que as fan únicas e, entre todas elas, atoparás diferentes actividades para adaptar e personalizar a experiencia.

Nesta ruta extende as súas raíces na Galicia máis singular, as Rías Baixas, unha zona marcada por un mosaico de tonalidades azuis e verdes que conxuga o océano Atlántico coas fertis terras galegas. Desde a zona de Ribeira do Ulla, nas inmediacións de Santiago de Compostela, ata a zona de O Rosal, na fronteira portuguesa, pasando polas famosas terras do Salnés, a Ruta do Viño Rías Baizas cruza de norte a sur a parte máis occidental do sur de Galicia, trazando unha interesante viaxe por belas paisaxes de viñedos, costas redondeadas, ríos tranquilos e vales marcados polo suave alento do océano Atlántico.

Todas as zonas e as súas bodegas comparten unha grande tradición vitivinícola que permitiu que sexan recoñecidas pola calidade dos seus viños e formen parte da Denominación de Orixe Rías Baixes. O cultivo do bo viño tamén favoreceu que xurda unha excelente gastronomía local.

Ademais cada unha das zonas ofrece unhas paisaxes, unhas tradicións e unha realidade cultural diferenciada e singular que lle aportan unha personalidade propia e fan que a Ruta do Viño Rías Baixas sexa única.

Desde a Ruta do Viño Rías Baixas, esfórzanse por ofrecer produtos enoturísticos da máis alta calidade e, por iso, é o único itinerario galego recoñecido por Rutas do Viño de España e incluído na Guía de Rutas Enolóxicas Accesibles para Todas as Persoas editada pola Plataforma Representativa Estatal de Persoas con Discapacidade Física (Predif)